Aapo Ilves (a tribute to mississipi delta blues)   Võhandul olõ-õi deltat olõ-õi ruukatussiga hüttõq koh eläs’ niigreq mihändsõ om naade latselatselatselatseq kiä püvvet aahvrikast tuu jaos’ et paksuq plantaaturiq saas’ lasta nail hindi iist tüü är tetä   võhandul olõ-õi deltat koh ruukatussiga hüttõn sündümisest pääle legendaarseq ja hambutuq (nigu üts eesti umorist ja aokiränik mu hää sõbõr) mängvä luitsavarrega kipsoni kitarri ja kynõlõva laulu muudu kuis nail kygõ taskaa om tuud kutstas pl’uus ja egäsäändsõq kläptoniq ja kärimooriq tahtva kah a saa-õiq   võhandul olõ-õi deltat inne maq olõ luitsavarre iist viinapits vai mobiiltelehvon vai miäkit ja kipsoni iist musiima a mis tuust   et võhandul olõ-õi deltat         Imä varast är mu nargoodikumiq tuul aol ku ma eis eläsi reanimatsioonih tehkati umahindä verevät ja likõt ello ja kai hindä sotsiaalmaksu iist värvilisi unõkaetuisiq eloliivi ohverduisi perrä jummalit tsõõrih saismah kauksiülle loitsu perrä kauksiüllet innäst tulõmah: minku-õi viil ilveseke miil om sinno vaia   no ma sys es lää   a tiiä-õi mille jaos imäl mu nargoodikummõq vaia oll? diilres’ nakanuq?       Vuntsega miis’ oll pääministres’ vihass kykkiq hindäst vaesembit ja kynõl et ku väegä naatas helü tegema sys ta lätt är kygõ uma rahaga (kümme milli vai pallo ta piisdu pandse vai är häotse) et edimene eesti lätt kygõ är ku miäkit miildü-õi vindlasõq vai tsuhknaq vai setoq nigu neläkümnõ edimetsel kygõ ilosambaq ja parembaq läävä kygõ är inne ulliq ja vaeseq jääväq kodo saisma ja hoitma niikavvas ku määnegi vuntsega miis’ jälki pääle kasus’ ja kynõlõs et ku väegä naatas helü tegema sys ta lätt jälki är kygõ mi rahaga   a säändsele ullile maq massas pääle kül esi ostas kabla vai padruni hõõrus’ seepi kakus’ pingi alt vai vaotas triklit   minku sys